نبذة عن المشروع

عَمار تطبيق أندرويد لمقاول مباني يشتغل في أكثر من موقع في نفس الوقت. يحل محل الكشكول الورق: العمال باليومية وحسابهم الأسبوعي، والطوب اللي وصل واللي اتبنى، والفلوس اللي على كل صاحب شغل، والمصاريف، والعِدّة، والتقارير. كله بالعامية المصرية، ويعمل بدون إنترنت على الموبايل، وأي حاجة ممكن تتسجّل بالكلام بدل الكتابة.

اتصمم مع العميل من مواصفات مكتوبة وكذا جولة تصميم، واتبنى على نفس تقنيات React Native و Expo المستخدمة في تطبيق Money Follows.

أهم المميزات

تسجيل كل حاجة بالصوت: تقول «حسن ومحمود وعلي حضروا في المول، واديت علي 200 سلفة، ووصل 10 آلاف طوبة أحمر» فيطلع لكل حاجة كارت تراجعه وتعدّله في مكانه وتحفظه
مساعد صوتي كمان بيضيف مواقع وعمال، ويغيّر اليوميات والأسعار، ويحاسب الأسبوع كله، ويمسح آخر حاجة، ويجاوب على 15 نوع سؤال بصوت («باقي كام عند الحاج سيد؟»)
رئيسية فيها الفلوس اللي عند أصحاب الشغل، وتنبيهات للمتأخرين في الدفع وللطوب اللي قرب يخلص، وحضور النهارده والسلف والطوب اللي اتبنى، وحساب الأسبوع
حساب الموقع: المستحق على صاحب الشغل (الطوب × سعر الألف + بنود زي العتب)، والدفعات، والمتفق عليه ونسبة الإنجاز، والعمالة، والمصاريف، والمكسب
عمال باليومية أو على الألف طوبة، وتاريخ اليوميات، وحضور سريع («زي امبارح»، «الكل يوم»، ودوسة تغيّر الحالة)، وحساب الخميس مع الباقي من قبل و«حاسب الكل»
كشف حساب صاحب الشغل وكشوف العمال والتقارير PDF على واتساب، وتذكير أصحاب الشغل ومعاه الكشف
حساب سعر شغلانة من مقاسات الحيطان تتحول لموقع جديد بالمتفق عليه، ومتابعة العِدّة («الخلاطة فين؟»)، وبحث بالكلام والنوع والشهر والموقع
نقل الكشكول القديم: تقويم بيوم ثابت، عشان شهور من الورق تتسجّل في أيامها الحقيقية
قفل بالبصمة، ونسخة احتياطية يومية في فولدر، وتذكير بالليل ويوم الحساب، وإعداد أول مرة، وافتتاحية متحركة

ذكاء اصطناعي لا يحسب الأرقام

نموذج مجاني من OpenRouter دوره بس إنه يحوّل الجملة لبنود، أو يقول السؤال كان عن إيه وعن مين. مطابقة الأسماء بالمواقع والعمال الحقيقيين بتحصل في الكود، والاسم المش معروف بيتعلّم عليه ولا يتخمّن أبداً. وكل رقم في الإجابة جاي من نفس الدوال اللي بتستخدمها الشاشات، فالإجابة عمرها ما تختلف عن التطبيق، ومفيش حاجة في الحسابات تتغيّر قبل ما المقاول يأكد كل كارت. والحاجات الخطيرة (المسح، والحساب للكل، وقفل موقع) ليها كارت أحمر بزرار تأكيد واضح.

الجانب التقني

قاعدة SQLite محلية بترحيلات بإصدارات، والفلوس متخزنة كأعداد صحيحة بالقرش، والأرصدة بتتحسب من السجلات كل مرة بدل ما تتخزن. واجهة من اليمين لليسار بخط Readex Pro مع أرقام بتعد وحركة دخول على الـ native thread، وأماكن لمس 48 نقطة على الأقل، ورسالة بعد كل حفظ مع «تراجع»، وإمكانية تعديل أي سجل. وفيه 248 اختبار آلي (Jest و React Native Testing Library) بتشغّل نظام التنقل الحقيقي، فالشاشة المتوصلة غلط بتفشل في اختبار بدل ما تقع على الموبايل.